Fréttir

Ársfundur Lífeyrissjóðs Vestmannaeyja 10. maí 2017

  02.05.2017

 

LÍFEYRISSJÓÐUR VESTMANNAEYJA

 

ÁRSFUNDUR

sjóðsins verður haldinn í Alþýðuhúsinu

miðvikudaginn 10. maí 2017, kl. 17:00

 

        Dagskrá:

         1.  Venjuleg ársfundarstörf samkvæmt samþykktum

         2.  Önnur mál, löglega upp borin

 

 

         Á fundinum mun Vigfús Ásgeirson trygginga-

         stærðfræðingur gera grein fyrir tryggingafræðilegri

         úttekt á sjóðnum.

 

 

Allir sjóðfélagar eiga rétt til setu á ársfundinum

með málfrelsi og tillögurétti.

 

LÍFEYRISSJÓÐUR VESTMANNAEYJA

Skólavegur 2,  ,  900 Vestmannaeyjar

Sími 481-1008,  http://www.lsv.is

 

 

 

Recent Posts

    Tilgreind séreign, hækkun iðgjalds 1. júlí - val um ráðstöfun viðbótariðgjalds

      14.08.2017

    Iðgjald atvinnurekenda í lífeyrissjóði fólks á almennum vinnumarkaði hækkði um 1,5% 1. júlí 2017 í samræmi við ákvæði kjarasamninga ASÍ og SA og verður þá 10% en iðgjald launþega verður óbreytt áfram 4%. Gefst sjóðfélögum sem þess óska tækifæri til að ráðstafa að hluta eða öllu leyti iðgjaldi sem er umfram 12% í tilgreinda séreign. 

    Tilgreind séreign er önnur tegund séreignarsparnaðar en áður hefur boðist, um hana gilda aðrar reglur. Í 19. gr. samþykkta Lífeyrissjóðs Vestmannaeyja er að finna ákvæði sem gilda um tilgreinda séreign.

    • Allt viðbótariðgjaldið fer í samtryggingardeild nema sjóðfélagi óski eftir að því verði ráðstafað í tilgreinda séreign.
    • Iðgjaldið greiðist til þess sjóðs sem sjóðfélagi á aðild að.
    • Mikilvægt er að sjóðfélagar geri sér grein fyrir að réttindi í samtryggingardeild geta falið í sér verðmæt tryggingaréttindi.
    • Með ráðstöfun iðgjalds í tilgreinda séreign ávinnst ekki, hvað þau iðgjöld snertir, réttur til ævilangs ellilífeyris, né örorku- og makalífeyris með framreikningi heldur byggir sjóðfélagi upp sjóð sem er séreign viðkomandi.
    • Sjóðfélagi þarf að taka upplýsta ákvörðun um ráðstöfun iðgjalds og tilkynna sínum  lífeyrissjóði um ráðstöfun iðgjaldsins.
    • Sjóðfélagi má hvenær sem er breyta því hvernig hann ráðstafar iðgjaldi umfram 12%.
    • Sjóðfélagar í LSV geta valið um tvær mismunandi fjárfestingarleiðir.
    • Hægt verður að byrja að taka út tilgreindan séreignarsparnað fimm árum fyrir hefðbundinn lífeyristökualdur, en ekki þegar sextugsaldri er náð eins og gildir um annan séreignarsparnað.
    • Tilgreindan séreignarsparnað er ekki unnt að nota til að safna skattfrjálst til húsnæðiskaupa eða til að greiða skattfrjálst niður húsnæðislán.
    • Tilgreind séreign erfist

    Í lögum, reglugerð og með vísan til dreifibréfs Fjármálaeftirlitsins dagsettu 7. júlí 2017, er gert ráð fyrir því að sjóðfélagi geti einnig ráðstafað iðgjaldi sem hann velur að renni í tilgreinda séreign til annars vörsluaðila lífeyrissparnaðar.

    Allar frekari upplýsingar veitir starfsfólk á skrifstofu sjóðsins eða í síma 481-1008.